Azərbaycan, Bakı, 27 dekabr/ Trend , müxbir A.Bədəlova/ Dünya iqtisadiyyatı 1980 - ci illərdən bəri ən zəif artım hiss edir. 2009 - cu ildə dünyada iqtisadi artım 1,2 faiz və 2010 - cu ildə isə, 2,5 faiz artım proqnozlaşdırılır. Bu barədə Almaniyanın Deutsche Bank -nın "Maliyyə böhranından dünya iqtisadi tənəzzülünədək" adlı məruzəsində bildirilir.
"Gələn il sərmayə strategiyasına problemlər yaranacaq. Sözsüz ki, yüksək risklər var, lakin aktivlərin bəzi siniflərində yenə də cəlbedici imkanlar qalmaqdadır", - deyə bankın məlumatında bildirilir.
Deutsche Bank ekspertlərinin rəyinə görə, Asiya da dünya iqtisadi tənəzzülündən yayına bilməyəcək, çünki regionun bir çox ölkələrinin iqtisadiyyatı ixracdan asılıdır. Yalnız bir neçə iqtisadiyyat ölkəsi böyük müstəqil daxili tələbata malikdir ki, bunlar da Çin, Hindistan və İndoneziyadır.
"Lakin hətta Çin də ixracdan çox asılıdır, buna görə 2009 - cu ildə ölkədə iqtisadi tənəzzül güclənəcək", - deyə məruzədə bildirilir.
Deutsche Bank güman edir ki, bu məqamın müsbət tərəfi ondan ibarətdir ki, enerji daşıyıcılarının qiymətləri kəskin şəkildə düşdükcə, inflyasiyanın səviyyəsi də azalır.
Gələcəkdə faiz dərəcələrinin azalması və fiskal tədbirlər, artımı dəstəkləyəcək. Asiya ölkələrinin maliyyə və korporativ sektoru 1998 - ci ildə Asiyada baş vermiş valyuta böhranı zamanı böyük dərəcədə kredit böhranı ilə qarşılaşmışdı.
Alman bankının proqnozlarına görə, Asiya ölkələrində artım, Yaponiya istisna olmaqla, 2009 - cu ildə 5,5 faiz və 2010 - cu ildə 5,9 faiz təşkil edəcək. Cari ilin yekunu üzrə. regionda artım 7,6 faiz təşkil edəcək.
Məruzədə bildirilir ki, Avropa fond bazarı bir-birinə zidd olan təsirlər altına düşüb. Almaniya bankı arqessiv manetar stimulların əlavə təsiri qismində qısa müddətli perspektivdə Avrozona regionunda deflyasiya gözləyir.
"Bütün bunlar 2009 - cu ildə bazar mühitinə dəyişkən mahiyyət verir, lakin sərmayədarlar üçün hələ də bir çox imkanlar qalır", - deyə Deutsche Bank-ın məruzəsində bildirlir.
Məqalə müəllifi ilə əlaqə ünvanı - [email protected]