Azərbaycan, Bakı, 13 yanvar/ Trend , müxbir Ü.İsmayılova/ Dünya maliyyə böhranının təsiri ilə dekabrda Bakıda tikinti materiallarının orta qiyməti noyabra nisbətən 15,4 faiz ucuzlaşıb, - "Əmlak Bazarı İştirakçıları" İctimai Birliyindən (İB) çərşənbə axşamı bildiriblər.
2008 - ci ilin əvvəlinə qiymətlər 34 faiz, 2007-ci ilin əvvəlinə nisbətdə 33,8 faiz ucuzlaşıb.
"Qiymətlərin azalması, əsasən, idxal olunan tikinti materiallarının qiymətlərinin azalması ilə əlaqədar baş verib", - təşkilatdan bildiriblər.
Dekabrda yerli istehsal tikinti materialları da ucuzlaşıb, onların bazardakı payı 51,2 faiz təşkil edib.
İctimai Birlik dekabrda 82 növ və 36 adda tikinti materialı üzrə monitorinq aparıb. Ay ərzində 51 növ üzrə (bazarın portfelinin böyük hissəsini tutan və qiymətlərin azalmasına təsir edən) qiymətlərin azalması, 31 növ üzrə - sabitlik müşahidə olunub.
Dekabrda şveller - 26,5 faiz, dəmir təbəqələr - 25,5 faiz, borular - 24,5 faiz, armatur - 118,5 faiz, şüşə - 13,7 faiz, ağac - 13,3 faiz, sink təbəqələr - 17,4 faiz, mismar - 13,7 faiz, bitum - 13 faiz, tikinti yapışdırıcısı - 28,6 faiz ucuzlaşıb.
Müəlliflə əlaqə saxlamaq üçün elektron ünvan: [email protected]
