...

Azərbaycanda bələdiyyələrin qeyri -qanuni satdığı torpaqlar qanuniləşdirilməyəcək – Torpaq və Xəritəçəkmə Komitəsinin  sədri

Biznes və iqtisadiyyat xəbərləri Materials 14 Yanvar 2009 18:18 (UTC +04:00)

Azərbaycan, Bakı, 14 yanvar/ Trend , müxbir Ü.İsmayılova/ Azərbaycanın Dövlət Torpaq və Xəritəçəkmə Komitəsi bələdiyyələrin 2007-ci il dekabrın 1- dən sonra satdığı torpaq sahələrinə icazə sənədləri vermək niyyətində deyil, - Komitənin rəhbəri Qərib Məmmədov çərşənbə günü bildirib.

"Torpaq sahələri sahiblərinə verilmiş bütün sənədlər, o cümlədən sahələrin özləri qanunsuzdur", - Məmmədov vurğulayıb.

Onun sözlərinə görə, bu torpaq sahələri qanunsuzdur. Belə ki, Azərbaycan prezidenti İlham Əliyevin 2006 - cı il 23 noyabr tarixli sərəncamına əsasən, bələdiyyələrin 2007 - ci il yanvarın 1- dən sonra satdıqları və ya icarəyə verdikləri bütün torpaqlar qanunsuz hesab edilir. Səbəb  odur ki, torpaq sahələri bundan sonra yalnız Azərbaycanın Dövlət Torpaq və Xəritəçəkmə Komitəsi tərəfindən keçirilən hərrac və müsabiqələr üzrə satılmalıdır.

Buna baxmayaraq, bəzi bələdiyyələr ərazilərində olan torpaq sahələrini qanunsuz  olaraq satmaqda davam ediblər, - Məmmədov deyib.

"Biz bu torpaqları qanuniləşdirməyəcək, torpaq sahələrinin qeydiyyatı üçün qanuni prosedurdan keçməyi tələb edəcəyik", - Məmmədov əlavə edib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti