Azərbaycan, Bakı 22 yanvar / Trend , müxbir T.Cəfərov/
Bakıda keçiriləcək İranın iqtisadi və istehsal sənayesi sərgisində 43 İran müəssisəsi iştirak edəcək, - İranın İRNA agentliyi Ərdəbil beynəlxalq sərgilər təşkilatının direktoru Mehdi Xidmətiyə istinadən xəbər verib.
Onun sözlərinə görə, Bakıda keçiriləcək İİR-in iqtisadi və istehsal sənayesi sərgisində Ərdəbil əyaləti ilə yanaşı, İranın 9 əyalətindən (Tehran, Mərkəzi, Xorasane Rəzəvi, Gilan, Mazandaran, Zəncan, İsfahan, Qəzvin, Şərqi Azərbaycan) istehsalçılar iştirak edəcəklər.
Sərgi fevralın 7 - dən 11 - dək keçiriləcək.
İran istehsalçılarının mallarının sərgidə təqdim edilməsi üçün 1180 kv.m yer ayrılıb.
Sərgidə İranda istehsal olmuş sənaye malları, əl işləri, əkinçilik üzrə maşın avadanlığı və texnologiyası, tikinti materialları, ev əşyaları, ərzaq məhsulları və s. məhsullar nümayiş etdiriləcək.
Müəlliflə əlaqə saxlamaq üçün elektron ünvan: [email protected]
