Azərbaycan, Gəncə, 23 yanvar/ Trend , müxbir V.Məmmədov/
Standartlaşdırma, Metrologiya və Patent üzrə Dövlət Komitəsinin Ərazi Dövlət Nəzarəti İdarəsinin baş məsləhətçisi Sənan Zərbəliyevin verdiyi məlumata görə, Gəncədə (Azərbaycnın qərb bölgəsi) altı adda məhsulun satışına qadağa qoyulub.
İdarənin apardığı araşdırmalar zamanı 4 adda yeyinti məhsullarının, 2 adda inşaat materiallarının standartlara cavab vermədiyi aşkar edilib.
Zərbəliyevin sözlərinə görə, ötən il dövlət nəzarətində olan 162 müəssisədən 136-da aparılan yoxlamalar başa çatdırılıb. Nəticədə 61 müəssisəyə iradnamə, 38-nə qeyri-standart ölçü vasitələrinin istismarını qadağan edən tələbnamə verilib.
Zərbəliyev bildrib ki, standart tələblərinə cavab vermədiyinə görə, 17 müəssisədə 2717 manat 80 qəpik məbləğində 4 adda yeyinti, 2 adda isə inşaat məhsullarının satış partiyasına qadağa qoyulub.
Onun sözlərinə görə, ötən il 17 müəssisədə inzibati protokol tərtib edilib. Ümumilikdə 1716 manat məbləğində cərimə ödənilib.
2008-ci ildə Gəncə şəhəri üzrə 118 müəssisədə istehsal olunun 102 adda məhsul sertifikatlaşdırılıb.
Yanvarın 23-nə olan rəsmi məzənnə 0,8054 AZN/USD təşkil edir.
Məqalə müəllifi ilə əlaqə ünvanı - [email protected]