Azərbaycan, Bakı, 26 yanvar/ Trend , müxbir S.Babayeva/ 2009-cu ildə Azərbaycanda quş qripinin qarşısının alınması üzrə ikinci monitorinqə fevralın 16-da başlanılacaq. Bu barədə bazar ertəsi Azərbaycan Kənd Təsərrüfatı Nazirliyi yanından Dövlət Baytarlıq Xidmətinin mətbuat katibi Yolçu Xanvəli bildirib.
"Köçəri quşların fəal miqrasiyası martda başa çatacaq. Buna baxmayaraq, ölkədə epizodik vəziyyət stabildir və monitorinqlər hələ ki, ayda bir dəfə keçirilir", - deyə Xanvəli bildirib.
Onun sözlərinə görə, monitorinqlər iki həftə davam edəcək və onların nəticələrinə əsasən, çöl və ev quşlarından monitorinqlər zamanı yığılan qan nümunələri və pataloji materiallar üzrə laboratoriya təhlillərinin yekunları açıqlanacaq.
Abşeron yarımadası, Dəvəçi, Salyan, Ağcəbədi, Lənkəran və Xəzərin sahilyanı zolağını əhatə edəcək monitorinq, tərkibi Səhiyyə, Kənd Təsərrüfatı, Ekologiya və Təbii Sərvətlər nazirlikləri və Azərbaycan Ovçular Cəmiyyətinin əməkdaşlarından ibarət xüsusi işçi qrup tərəfindən aparılacaq.
Əvvəlki monitorinq ölkədə virus daşıyıcısı aşkar etməyib.
Məqalə müəllifi ilə əlaqə ünvanı - [email protected]
