Azərbaycan, Bakı, 30 yanvar/ Trend / Azərbaycan Dövlət Dəmir Yol İdarəsi (ADDYİ) 2008-ci ildə altı yeni elektrovoz alıb. Bu barədə "Lokomotiv" İstehsalat Birliyinin rəhbəri Asim Qasımov rəsmi mətbuata müsahibəsində bildirib.
Dövlət büdcəsindən ayrılan vəsaitlər hesabına ADDYİ iki VL-11m/4 seriyalı və dörd VL-8 seriyalı elektrovoz alıb.
2008-ci ildə İstehsalat Birliyi ER-2 seriyalı iki elektrovozun əsaslı, beş elektrovoz, səkkiz teplovoz və ER-2 seriyalı üç elektrik qatarınin iri miqyaslı təmirini həyata keçirib.