Azərbaycan, Bakı, 30 yanvar/ Trend , müxbir Ü.İsmayılova/
Ötən il Azərbaycanın Dövlət Gömrük Komitəsi (DGK) üçün uğurlu olub; ilk dəfə gömrük yığımları üzrə proqnoz 43 faiz artıqlaması ilə yerinə yetirilib və dövlət büdcəsinə 1 milyard manatdan çox vəsait köçürülüb, - DGK - nin rəhbəri Aydın Əliyev cümə günü 2008 - ci ildə fəaliyyətiin yekunlarına həsr olunmuş kollegiya iclasında bildirib.
"Ötən il Komitə qaçaqmalçılıq hallarının qarşısının alınması və narkotiklərin qanunsuz dövriyyəsinin aşkar edilməsi üzrə işləri gücləndirib", - Əliyev deyib.
Onun sözlərinə görə, Azərbaycanın Gömrük Komitəsinin bütün fəaliyyət tarixi ərzində ilk dəfə olaraq, il ərzində sərhəddən qanunsuz keçirilən 350 kiloqram narkotik maddə götürülüb, artıq bununla əlaqədar cinayət işləri qaldırılıb. Pozucular arasında əcnəbi vətəndaşlar da var.
DGK işçilərinin sosial vəziyyətinin yaxşılaşdırılması məqsədilə 2008 - ci ildə gömrük hospitalı inşa edilib, eləcə də bu günlərdə "vahid pəncərə" sisteminin tətbiqi çərçivəsində Bakı Gömrük İdarəsinin yeni inzibati binası istismara verilib. Komitə 2009 - cu ildən "vahid pəncərə" sisteminə keçib.
Bu sistem Gömrük Komitəsinin bütün struktur bölmələrincə, o cümlədən gömrük-buraxılış məntəqələrində, eləcə də aeroportlarda gömrük - buraxılış məntəqələrində tətbiq olunub.
Əliyevin sözlərinə
görə, DGK-nin əsas problemlərindən biri idarəetmə,
intizam sahəsində, eləcə də gömrük orqanları
əməkdaşlarının peşəkar
səviyyəsində hiss olunur. Dövlət Gömrük
Komitəsinin ştatı 2,5 min nəfərdən
ibarətdir.
"2008 - ci ildə Komitənin 165 əməkdaşı
məsuliyyətə cəlb edilib və 80 nəfər
işdən azad olunub. Gedənlərin böyük hissəsi ,Komitənin
işinin müasir tələblərinə uyğun
olmadıqlarına görə, gömrük orqanlarını
öz istəkləri ilə tərk ediblər, - DGK
rəhbəri bildirib. Bu rəqəm, Komitə personalının
ümumi sayının təxminən 10 faizini təşkil
edir ki, bu da bizim üçün qənaətbəxş
olmayan faktdır".
Müəlliflə əlaqə saxlamaq üçün elektron ünvan: [email protected]
