...

Azərbaycanın gələcək iqtisadi inkişafı qeyri-neft sektoru ilə bağlıdır – DB-nin Avropa və Mərkəzi Asiya üzrə vitse-prezidenti

Biznes və iqtisadiyyat xəbərləri Materials 2 Fevral 2009 20:28 (UTC +04:00)

Azərbaycan, Bakı, 02 fevral/ Trend , müxbir N.İsmayılova/

Dünyanın digər ölkələri ilə müqayisədə Azərbaycan qlobal iqtisadi böhran mərhələsinə daha yaxşı vəziyyətdə daxil olub, - Dünya Bankının Avropa və Mərkəzi Asiya üzrə vitse-prezidenti Şiqeo Katsu Azərbaycana səfərin yekunları üzrə keçirilən mətbuat konfransında bildirib.

"Hökumət nümayəndələri ilə görüşdə böhran şəraitində Azərbaycan iqtisadiyyatının inkişafı müzakirə mövzusu olub", - bankın vitse-prezidenti deyib.

Bu il Azərbaycanda iqtisadi artım göstəriciləri azalsa da, digər ölkələrlə müqayisədə yaxşı olacaq, - Katsu hesab edir.

"Neftin qiymətinin azalması ölkənin qeyri-neft sektorunun inkişafı, yeni iş yerlərinin açılması və ölkədə işgüzar mühitin yaxşılaşması üçün şərait yaradır, - DB-nin vitse-prezidenti bildirib. - bu həmçinin tənzimləmə sisteminin, rəqabətin yaxşılaşmasına yardım edir və böhrandansonrakı dövrə daxil olmaq üçün şərait yaradır. Ölkənin gələcək iqtisadi inkişafı qeyri-neft sektoru ilə bağlıdır".

Cənubi Qafqaz ölkələri üzrə keçmiş regional direktor Donna Douset-Koyrollonun sözlərinə görə, 2008-ci ildə Azərbaycanın ÜDM-i [bu ilin yekunları üzrə göstərici 10,8 faiz təşkil edib] yüksək olub və artım templəri ilin əvvəli üçün proqnozdan aşağı olsa da, qeyri-neft sektorunun yüksək artımını göstəriblər [qeyri-neft sektorunun ÜDM-i 15,7 faiz, neft sektorunun yeddi faiz təşkil edib].

DB-nin bu il üçün iqtisadi göstəriciləri üzrə proqnozuna toxunan Douset-Koyrollo qeyd edib ki, dünya böhranının təsiri altında proqnozlar hər ay dəyişdiyi üçün bir şey söyləmək çətin olsa da, inflyasiya azalır.

Regional direktorun rəyinə görə, böhran şəraitində ölkənin bank sektorunun müsbət tərəfi onun böhrana kifayət qədər güclü daxil olmasıdır.

"Bank sektorunda depozit və kredit siyasəti, bankların portfeli mühümdür", - Douset-Koyrollo bildirib.

DB-nin Bakıya missiyası yanvarın 30-da başlayıb. Missiyanın əsas məqsədi Cənubi Qafqaz ölkələri üzrə yeni regional direktor Əsəd Əllaminin Azərbaycan hökumətinə təqdim edilməsi olub. O, bu vəzifədə Donna Douset-Koyrollonu əvəz edib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti