Azərbaycan, Bakı, 06 fevral / Trend , müxbir Ü.İsmayılova/ Azərbaycanda ünvanlı sosial yardım (ÜSY) alan vətəndaşların təqribən 90 faizi müavinətləri plastik kartlar vasitəsilə alır. Bu barədə cümə günü əhalinin əmək və sosial müdafiə naziri Fizuli Ələkbərov ünvanlı sosial yardım və tibbi sosial ekspertizaya həsr olunmuş kollegiya iclasında bildirib.
Onun sözlərinə görə, 2008-ci ilin ikinci yarımilliyində ilk dəfə ÜSY alan vətəndaşların sayı 47,17 min nəfər, ikinci dəfə alanların sayı isə 116,23 min nəfər təşkil edib.
Adambaşına düşən ünvanlı sosial yardımın orta həcmi 22 manat, ailəyə isə 100,96 manat təşkil edir.
Ötən il nazirlik 380 vətəndaşa iki il, 197 vətəndaşa isə bir il müddətinə müavinət ödəməkdən imtina edib.
Fevralın 6-na olan rəsmi məzənnə 0,808 AZN/USD təşkil edir.
Məqalə müəllifi ilə əlaqə ünvanı - [email protected]