Azərbaycan, Bakı, 10 fevral/ Trend , müxbir Ü.İsmayılova/ Rəsmi mətbuatın məlumatına görə, Azərbaycan prezidenti İlham Əliyev pensiyaların sığorta hissəsinin indeksləşdirilməsi barədə sərəncam imzalayıb.
Prezidentin sərəncamına əsasən, Azərbaycanda pensiyaların sığorta hissəsi 2008-ci ildə ölkədə qeydə alınan 20,8 faizlik inflyasiya səviyyəsi üzrə 2009-cu il yanvarın 1-dən indeksləşdiriləcək.
Azərbaycan Dövlət Sosial Müdafiə Fonduna pensiyaların sığorta hissəsinin artırılmasının təmin edilməsi barədə tapşırıq verilib.
2008-ci ildə ölkədə pensiyaların sığorta hissəsi 16,7 faiz səviyyəsində indeksləşdirilib.
Məqalə müəllifi ilə əlaqə ünvanı - [email protected]
