Azərbaycan, İmişli, 11 fevral / Trend , müxbir E.İsmayılov/ Azersun Holding şirkətlər qrupu 2009-cu ilin sonuna qədər kağız tullantılarının təkrar emalı üzrə fabrikin istifadəyə verilməsini planlaşdırır, - Holding-in prezidenti Abdolbari Qozal bildirib. Əvvəl müəssisənin bu ilin birinci yarısında istismara verilməsi nəzərdə tutulmuşdu.
Ölkənin kağıza olan tələbatını ödəməklə yanaşı, müəssisə həm də ətraf mühitin çirklənməsinin qarşısının alınmasında böyük rol oynayacaq.
Daha öncə Holding-dən müəssisənin tikintisinə 30 milyon avro həcmində sərmayə qoyulmasının nəzərdə tutulduğunu bildiriblər. Müəssisə Sumqayıtda yaradılacaq sənayə şəhərciyinin ərazisində yerləşəcək.
Fabrik gündəlik 200 ton, illik isə 60 min ton istifadə olunmuş kağızı emal etmək qabiliyyətinə malik olacaq.
Müəssisənin fəaliyyətə başlaması ilə kağız sənayesi kompleksinin fəaliyyəti tamamlanacaq. Hələ 1996-cı ildə Azersun Holding-in sərmayəsi ilə Xırdalanda karton fabriki rekonstruksiya olmuşdur.
İndiki zamanda bir ton kağızın istehsalına 2.4 ton odun, 440 ton su, 7600 kВ elektroenerji sərf olunur. Bu mənbələrin maya dəyərinin bahalaşması kağız sənayesində kağızın bahalaşacağını qabaqcadan deməyə imkan verir. Emaledici müəssisənin tikintisi nəinki bu sahədə qiymət artımından sığorta olunmasına şərait yaradacaq, həmçinin regionda lider mövqeyi qorumağa və ixrac potensialını artırmağa da kömək edəcək.
Kağız tullantılarının təkrar emalı üzrə fabrikin potensialı nəinki Azərbaycanın, həmçinin Gürcüstanın, Türkmənistanın və Dağıstanın (RF) kağıza olan tələbatını ödəyəcək. Ölkənin tələbatı 30%-lə ödənəcək, qalan 70% isə qonşu ölkələrə ixrac ediləcək.
Azersun Holding 1992-ci ildə yaradılıb. Onun fəaliyyət sahələrinə çayın, bitki yağının emalı və qablaşdırılması, ticarət və distribyutorluq, tikinti, bank işi, sığorta, kağız-karton məmulatlarının, ət və tərəvəz konservlərinin istehsalı, yüklərin daşınması, saxlanılması və s. aiddir.
Məqalənin müəllifi ilə əlaqə: [email protected]
