Gürcüstan, Tbilisi, 26 fevral / Trend , müxbir N.Kirtsxaliya / Nazirlər Kabinetinin cümə axşamı baş tutan iclasında baş nazir Nikoloz Qilauri bildirib ki, Gürcüstan hökuməti farmakologiya məhsullarının ölkəyə maksimum cəlb olunması niyyətindədir və bu yolda lazımi qanunverici tədbirlər görüləcək.
"Bizim məqsədimiz dərman qiymətlərinin ucuzlaşması üçün əczaçılıq bazarına girişin sadələşdirilməsidir. Məqsədimizə yalnız rəqabət olduqda çata bilərik", - Qilauri deyib.
Baş nazir vətəndaşlara il ərzində cəmi 20 lari ödəməklə keyfiyyətli tibbi yardım almaqdan ötrü güzəştli sığortanın bu gün təsdiq olunacağı barədə söz verib.
"Sığortaların əldə olunmasını təmin edən şərtlərin olacağı proqramı təsdiqləyəcəyik", - Qilauri qeyd edib.
Baş nazir gürcü tələbələrin ölkə xaricində təhsilini təmin etmək üçün atılacaq addımları da xüsusi qeyd edib.
"Biz çalışacağıq ki, tələbələrimizin maqistratura pilləsində xaricdə təhsil almaları üçün əlverişli sistem tətbiq edək", - Qilauri vurğulayıb.
Məqalə müəllifi ilə əlaqə ünvanı: [email protected]
