Azərbaycan, Bakı, 03 mart / Trend , müxbir Ü.İsmayılova / Azərbaycanda həyatın yığım sığortasının inkişafı təqaüdçülərin əlavə vəsait almalarına imkan yarada bilər. Bu barədə "Az Sigorta" şirkətinin idarə heyətinin sədr müavini Xəyal Məmmədxanlı bildirib.
Yığım sığortası sistemində sığortaçıların ödəmələri sığorta şirkətinin rezervlərində toplanır. Sığorta müddəti bitdikdən sonra, bu vəsait sığortaçıya ya birdəfəlik ödəmə qismində, ya da aylıq - əmək haqqına və ya təqaüdə əlavə qismində verilir.
Yığım sığortasının müddəti bir ildən 10-15 ayadək və bir ildən artıq təşkil edə bilər. Ödəmə dövründə sığorta şirkəti bu vəsaiti sərmayə qismində istifadə edə bilər.
Azərbaycanda həyat sığortası inkişaf etməyib və sığorta bazarında onun payı bir faizdən bir qədər çox təşkil edir. Lakin dünya bazarında sığortanın bu növünün payı 60 faizə bərabərdir.
"Azərbaycanda həyatın yığım sığortasının inkişafı üçün təkan kimi əhalinin etibarının artması ola bilər", - deyə Məmmədxanlı bildirib.
2008-ci ildə Azərbaycanın sığorta şirkətlərinin həyat sığortası üzrə haqları bir mln. manat, sığorta ödəmələri isə 383,5 min manat təşkil edib. Belə ki, ötən ilin yekunu üzrə bütün sığorta şirkətlərinin sığorta haqlarının ümumi həcmi 179,26 mln. manat, sığorta ödəmələri isə 49,81 mln. manat təşkil edib.
"Az Sigorta" sığorta şirkəti fəaliyyət göstərdiyi müddət ərzində ilk dəfə olaraq 2007-ci ilin yekunu üzrə 5 mln. manatlıq yığım həcmi ilə liderlərin ilk onluğuna daxil olub. Şirkət sığortanın 29 könüllü və dörd icbari növü üzrə xidmət göstərir. Şirkətin nizamnamə kapitalı 2 mln. manat təşkil edir.
Məqalə müəllifi ilə əlaqə ünvanı: [email protected]
