Azərbaycan, Bakı, 03 mart / Trend , müxbir E. İsmayılova / Martın 19-dan 29-na kimi qeyd edilən Novruz Bayramı ilə əlaqədar olaraq Azərbaycan Dövlət Dəmiryolu (ADD) xüsusi rejimdə işləyəcək, - çərşənbə axşamı ADD-nin Mətbuat Xidmətinin rəisi Nadir Əzməmmədov bildirib.
Onun sözlərinə görə, bu dövr ərzində bütün daxili reyslərə əlavə vaqonların qoşulması nəzərdə tutulub. Bu tədbirlər bayram günlərində sərnişin axınının çoxalması səbəbindən həyata keçirilir.
"Əlavə olunacaq vaqonların sayının 15-25 arasında dəyişiləcəyi gözlənilir", - deyə Əzməmmədov bildirib.
Hazırda ADD-nin əsas əsas dəmiryolunun uzunluğu 2950,6 kilometr, istismar yolunun uzunluğu isə 2122 kilometr təşkil edir.
Məqalə müəllifi ilə əlaqə ünvanı: [email protected]
