Azərbaycan, Bakı, 10 mart / Trend , А.Bədəlova /
Amerikanın Morgan Stanley sərmayə bankı qızıl və gümüşün qiymətlərində artım gözləyir. Morgan Stanley-nin məruzəsində deyilir ki, Bank 2009-cu ildə özünün qızıla olan qiymət proqnozunu 100 dollar artıraraq, 1 unsiya üçün 1 000 dollara çatdırıb.
Ancaq bankın analitikləri hesab edirlər ki, digər bazarlara nisbətən qızıl bazarı qeyri-müəyyən olaraq qalır.
"Dünya bazarlarındakı durum son il ərzində sərmayədarlarda təəssüf hissinin yaranmasına səbəb olub", - bankın məruzəsində deyilir.
2009-cu ildə gümüşün qiymətlərinə dair proqnozlar da bu bank tərəfindən 2 dollar artırılaraq 1 unsiyasına görə 13 dollara çatdırılıb.
Bazar ertəsi, COMEX-dəki (NYMEX Nyu-York məhsul birjasının bölməsi) hərracın yekunlarına əsasən qızılın aprel fyuçerslərinin göstəriciləri 24,7 dollar azalaraq troya unsiyasının qiyməti 918 dollara enib. Son ay ərzində qızıl tədarükünə görə mart müqaviləsi 1 troya unsiyasına görə 896,5 dollardan 917,7 dollara qədər yüksəlib.
СОМЕХ-də gümüş üçün may fyuçerslərinin göstəriciləri 39,3 sent azalaraq bir unsiyaya görə 12,94 dollara düşüb.
Məqalə müəllifi ilə əlaqə ünvanı: [email protected]