Azərbaycan, Bakı, 13 mart / Trend , müxbir U. İsmayılova /
Turizmin inkişafı istiqamətində Azərbaycan və Litva arasında böyük perspektivlər mövcuddur. Litvanın Azərbaycandakı səfiri Kestutis Kudzmanas hesab edir ki, bu sahə litvalı biznesmenlər üçün daha cəlbedicidir.
"Azərbaycan nadir təbiəti ilə seçilir və buna görə də ölkələr arasında turist mübadiləsi çox sərfəli ola bilər", - deyə səfir qeyd edib.
Onun sözlərinə əsasən, Azərbaycanın zəngin təbiəti var - dəniz, meşə, subtropik iqlim, hətta qarlı dağlar litvalı turistlər üçün çox unikaldır.
"Litvada dəniz mövcuddur, lakin suyu bir az soyuqdur, hətta havanın tempraturunda da böyük fərqlər var. Belə ki, Bakıda temperatur 40 dərəcə təşkil etdiyi halda, Litvada bu göstərici 30 dərəcəyə bərabər olur, bu da turistlərin cəlb edilməsi üçün şəriat yaradır", - deyə səfir bildirib.
"Son vaxtlar Litvada turizm sahəsində istirahət zonalarının, yeni sanatoriyaların, kənd yerlərində bazaların, uşaq istirahət düşərgələrinin tikintisinə milyardlarla dollar investisiya yatırılıb", - deyə səfir qeyd edib.
Azərbaycan və Litva arasında əmtəə mübadiləsi 2008-ci ildə 25 milyon dollardan çox olub.
Məqalə müəllifi ilə əlaqə ünvanı: [email protected]
