Bakıda elit evlər ucuzlaşıb
Azərbaycan, Bakı, 17 mart / Trend , müxbir Ü.İsmaylova /
MBA Group konsaltinq şirkətindən çərşənbə axşamı verilən məlumata əsasən, fevral ayında Bakının ilkin mənzil bazarında yanvara nisbətən qiymətlər 2,1 faiz azalaraq bir kvadrat metrə görə 1066 ABŞ dolları təşkil edib.
Elit evlər isə Bakıda 5,1 faiz ucuzlaşıb.
Bu dövr ərzində inşası başa çatıb və istifadəyə verilən tikililərin sayı 542-yə bərabərdir. 2008-ci ilin fevral ayında şəhərin dördüncü məntəqəsinin payı bazar portfelində 22,7 faiz təşkil edirdisə, cari ilin fevral ayında bu rəqəm 23,4 faizədək yüksəlib. Bu isə Bakının sözügedən hissəsində qiymətlərin nisbətən aşağı olması ilə əlaqəlidir.
Məqalə müəllifi ilə əlaqə ünvanı: [email protected]
