Azərbaycan, Bakı, 31 mart / Trend , müxbir Ü.İsmayılova /
Azərbaycanın iri sığorta şirkətlərindən biri olan Standard Insurance-ın 2008-ci ilin yekunu üzrə aktivləri 24,08 mln. manatdan çox olub. Bu barədə şirkətin rəsmi mətbuatda dərc edilən hesabatında bildirilir.
Bu dövr ərzində şirkətin uzunmüddətli aktivləri 3,76 mln. manat, qısamüddətli aktivləri isə 20,31 mln. manat təşkil edib. Ötən il şirkətin depozit hesabları 8,72 mln. manat, valyuta hesabları isə 35 min manata bərabər olub.
2008-ci ildə Standard Insurance-ın ödənmiş nizamnamə kapitalı 8 mln. manat, xalis mənfəəti 1,49 mln. manat, ötən illərin bölüşdürülməmiş mənfəəti 3,86 min manat təşkil edib.
Şirkətin uzunmüddətli öhdəlikləri 11,99 mln. manat, qısamüddətli öhdəlikləri 225 min manat, kapital və ümumi öhdəlikləri 24,08 mln. manata bərabər olub.
Ötən ilin yekunu üzrə şirkətin gəlirləri 14 mln. manat, xərcləri 11,97 mln. manat təşkil edib.
Məqalə müəllifi ilə əlaqə ünvanı - [email protected]
