Azərbaycan, Bakı, 02 aprel / Trend , müxbir E.İsmayılov /
2010-cu ildə Azərbaycan Dövlət Xəzər Dənizi Gəmiçiliyi (ADXDG) Rusiyanın daxili sularında hazırda tətbiq edilən icazə sistemi olmadan hərəkət edə bilər. Bu barədə cümə axşamı Dövlət Dəniz Administrasiyasının rəhbəri Qüdrət Qurbanov bildirib.
"Növbəti ildə gəmilərimiz Rusiya kanalları ilə ərizə olmadan azad hərəkət edəcək. Lakin bu istiqamətdə hələ ki, müzakirələr davam etdirələcək", - deyə Qurbanov bildirib.
"Cari ildə Azərbaycan gəmiləri Rusiya sularında ərizə əsasında hərəkər edəcəklər", - Qurbanov deyib.
Bu məslələr Bakıda cümə axşamı Azərbaycan və Rusiya Nəqliyyat nazirliklərinin nümayəndə heyətlərinin görüşündə müzakirə edilib.
Bu gün Rusiyanın daxili sularında Azərbaycan gəmilərinin icazə ilə hərəkəti dəyişilməz olaraq qalır. Yalnız bir gəmi Xəzər dənizindən keçərək daimi dislokasiya yeri olan Qara dənizə naviqasiya dövründə bir dəfə qayıda bilər.
Qurbanovun sözlərinə əsasən, Azərbaycan bayrağı altında üzən gəmilərin sayı 552-dir.
Məqalə müəllifi ilə əlaqə ünvanı: [email protected]
