Tükmənistan, Aşqabad, 08 aprel / Trend , müxbir H.Həsənov /
Türkmənistan Prezidenti Qurbanqulu Berdimuhammedov telefon danışığı zamanı Rusiya Prezidenti Dmitri Medvedyevi Türkmənistana dəvət edib. Məlumatı rəsmi türkmən mənbəsi yayıb.
Səfərin müddəti diplomatik mənbələr vasitəsilə razılaşdırılacaq.
Türkmənistan və Rusiya çoxdankı iqtisadi əməkdaşlardır. Türkmən qazının böyük hissəsini, sonradan onu Avropa və Ukraynaya reksport etmək üçün Rusiyanın "Qazprom" ASC şirkəti alır. Martın sonlarında Türkmənistan Prezidenti Berdimuhammedov Moskvada rəsmi səfərdə olub. Səfər nəticəsində hüquq-mühafizə və təhlükəsizlik sferalarını əhatə edən hökumətlərarası razılaşmalar imzalanıb. Rusiya KİV-in verdiyi məlumata əsasən, Türkmənistan ərazisində inşası planlaşdırılan "Şərq-Qərb" qaz kəməri haqqında sənədin imzalanması təxirə salınıb. Sonralar Aşqabad sözügedən layihəni beynəlxalq tenderə çıxarıb.
Telefon bağlantısı zamanı iki dövlət başçısı dövlətlərarası dialoqun dinamikasından razı qaldıqlarını dilə gətiriblər. Prezidentlər mütəmadi olaraq ikitərəfli məsləhətləşmələrin vacibliyini qeyd edib və işgüzar əlaqələrin qrafikini razılaşdırıblar.
Hazırda Aşqabadda Rusiya mədəniyyəti həftəsi keçirilir. Məlumatda deyilir ki, telefon danışığı zamanı Rusiya Prezidenti türkmənistanlı həmkarına Londonda keçirilən G-20 sammitinin nəticələri barədə məlumat verib.
Telefon bağlantısı Rusiya tərəfinin təşəbbüsü ilə baş tutub.
Məqalə müəllifi ilə əlaqə ünvanı: [email protected]
