Azərbaycan, Bakı, 11 aprel / Trend , müxbir N.İsmayılova / "Azərbaycan Texnika Bank-nın aktivləri aprelin birinə ötən ilin analogi dövrü ilə müqaysədə 22% artaraq 431,5 milyon manat təşkil edib", - şənbə günü bankdan bildiriblər. 2008-ci ilin aprelin birinə bank aktivləri 353,4 milyon manat təşkil edib.
Bankın depozit portfeli il ərzində 25% azalaraq 139,8 milyon manat təşkil edib ki, onun 75,2 milyon manatı əmanətlərin payına düşür.
2009-cu ilin aprelin birinə bankın öhtəlikləri 360,4 milyon manat təşkil edib.
Hesabat müddətində bankın kredit portfeli 25,1% artaraq 324,9 milyon manat təşkil edib ki, bunun 60,9 milyon manatı istehlak krediti üzərinə düşür.
Texnika Bank-ın ümumi kapitalı 57,8 milyon, nizamnamə kapitalı isə 26,91 milyon manat təşkil edir.
Hesabat dövrü ərzində vergilər ödənildikdən sonra bankın gəliri 6,8 milyon manat təşkil edib.
Fəaliyyətdə olan plastik kartların sayı aprelin birinə 41 754 ədədə bərabərdir.
Azərbaycan ərazisində Texnika Bank-ın 35 filialı, 47 bankomatı və 338 POS-terminalı fəaliyyət göstərir.
Aprelin 11-nə olan rəsi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]