Azərbaycan, Bakı, 24 aprel / Trend , müxbir Ü.İsmayılova /
Azərbaycanda ünvanlı sosial yardımlar (ÜSY) təyin olunan zaman problemlər yaranır, lakin onların səviyyəsi cəmi 2 faiz təşkil edir ki, bu da digər ölkələrlə müqayisədə yaxşı göstəricidir. Bu barədə cümə günü "Sosial yardım, sosial reabilitasiya: davamlı inkişaf" ikinci elmi-praktiki seminar zamanı Azərbaycanın əmək və əhalinin sosial müdafiəsi naziri Füzuli Ələkbərov deyib.
Nazirin sözlərinə əsasən, Azərbaycanda ÜSY-nin tətbiqi çox effektiv keçir. Ələkbərov deyib ki, bir il öncə ÜSY alan ailələrin sayı 100 min idisə və hər rüb müraciətlərin sayı 1,7 minə çatırdısa, indi ÜSY alanların sayı 170 minə çatıb, müraciətlər 30-40 faiz azalıb.
Azərbaycanda ÜSY 2006-cı ildən tətbiq edilir. Hazırda ölkədə 173 min insan (791 min ailə) ÜSY alır ki, bu da bütün ev təsərrüfatının 9,3 faizini təşkil edir.
Məqalə müəllifi ilə əlaqə ünvanı: [email protected]