Azərbaycan, Bakı, 28 aprel / Trend , müxbir S.Babayeva /
"Keçirilən auditin nəticələrinə görə, Azərbaycan Hesablama Palatası yeddi milyon manatın məqsədi üzrə istifadə olunmasını təmin edib ki, bu da palatanın özünün saxlanılması xərclərindən 3,9 dəfə çoxdur", - çərşənbə axşamı palatanın sədri Heydər Əsədov deyib.
"Biz 2008-ci ildə vəsaitlərin məqsədəuyğun istifadə olunmaması faktlarını aşkara çıxardığımız 23 audit və 20 analitik yoxlama keçirmişik. 87 nəfərə münasibətdə inzibati tədbirlər görülüb, rəhbər vəzifə tutan 14 nəfər işdən çıxarılıb. İki iş üzrə fəaliyyət cinayət xarakteri daşıyır və sənədlər prokurorluğa təqdim olunub", - Əsədov deyib.
Onun sözlərinə görə, keçirilən audit yoxlamaları nəticəsində dövlət büdcəsinə 569 min manat nağd, 1,18 mil manat köçürmə, həmçinin avadanlıq və inventar qismində 434 min manat qaytarılıb.
"Bizim əsas məqsədimiz auditin səmərəliliyinin artırılması və vəsaitlərin məqsədəuyğun istifadə olunmamasının qarşısının alınmasına nail olmaqdır", - palata sədri deyib.
Məqalə müəllifi ilə əlaqə ünvanı: [email protected]
