Azərbaycan, Bakı, 2 may / Trend , müxbir Ü.İsmayılova /
"Fidan Sığorta" ASC-nin aktivləri 2008-ci ilin nəticələrinə görə, 1,44 milyon manat təşkil edib ki, bu da 2007-ci ilin yekunları ilə müqayisədə 17,9% artım deməkdir. Bu haqda şirkətin balans hesabatında deyilir.
Bu dövrü ərzində şirkətin uzunmüddətli aktivləri ötən ilin əvvəlləri ilə müqayisədə 3,8 dəfə artaraq 570,5 min manat, qısamüddətli aktivləri isə 875,6 min manat təşkil edib. Sığorta şirkətinin depozit hesabları ötən il 783 min manat təşkil edib.
"Fidan Sığorta" şirkətinin ödənilmiş nizamnamə kapitalı 2008-ci ildə 1 milyon manat təşkil edib. Şirkətin təmiz gəlirinin 45,39 min manat olduğunu nəzərə alsaq "Fidan Sığorta"nın kapitalı 1,045 milyon manat təşkil edir.
Şirkətin uzunmüddətli öhtəlikləri 329,3 min manat, qısamüddətli isə 71,437 min manat təşkil edib.
Ötən ilin nəticələrinə əsasən, sığorta şirkətinin gəliri 476,33 min manat, xərci isə 392,1 manat olub.
Ötən il şirkət 10,53 min manat mənfəət vergisi, 8,86 min manat gəlir vergisi və 1,57 min manat digər vergilər üzrə ödəyib.
Mayın ikisinə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
