Gürcüstan, Tbilisi, 12 may / Trend , müxbir N.Kirtsxaliya /
Gürcüstan Prezidenti Mixail Saakaşvili İordaniyada keçiriləcək Yaxın Şərq üzrə beşinci Beynəlxalq İqtisadiyyat Forumunda iştirak edəcək. Prezident Administrasiyasından verilən məlumata əsasən, Saakaşvilinin İordaniyaya səfəri 14-16 mayda baş tutacaq.
Gürcüstan Prezidenti forumda çıxış etməyi planlaşdırıb. Səfər çərçivəsində Saakaşvili Poti azad iqtisadi zolağına investisiya yatırmaq istəyən ərəb investorları ilə görüşəcək.
Gürcüstan Prezidentinin ikitərəfli görüş qrafiki hazırda müəyyənləşdirilir.
Məqalə müəllifi ilə əlaqə ünvanı: [email protected]
