Azərbaycan, Bakı, 19 may / Trend , müxbir S.Babayeva /
"Azərbaycanda yeni farmasevtika şirkəti "Nijni Novqorod kimya-farmasevtika zavodu" ASC-nin nümayəndəliyi ("Nijfarm") qeydiyyatdan keçib", - Azərbaycan Vergilər Nazirliyinin rəsmi saytının "vahid pəncərə" bölməsində yerləşdirilən məlumatda deyilir.
Təsisçi qismində "Nijni Novqorod kimya-farmasevtika zavodu" ASC çıxış edir.
Şirkətin maliyyə ili yanvarın 1-dən dekabrın 31-dək müəyyən edilib.
"Nijfarm" Rusiyanın aparıcı farmasevtika şirkətlərindəndir. Son 89 il ərzində o, müalicə vasitələrini hazırlayır, istehsal edir və istehlakçılara təklif edir.
Şirkətin məhsul portfelinin əsas istiqamətləri - qastroenterologiya, dermatologiya, ginekologiya, urologiya, revmatologiya və pediatriyada istifadə olunan dərman preparatlarıdır.
Məqalə müəllifi ilə əlaqə ünvanı: [email protected]
