Qazaxıstan, Astana, 19 may / Trend , müxbir K.Arınova /
İslam İnkişaf Bankı (İİB) Qazaxıstan və Səudiyə Ərəbistanına mal dövriyyəsinin artırılmasında yardım edə bilər. Bu barədə çərşənbə axşamı Astanada Qazaxıstan - Səudiyyə Ərəbistanı İşgüzar Şurasının həmsədri Əbdürrəhman Zamil biznes-forum zamanı deyib.
"Əvvəllər qarşılıqlı istəyin olmasına baxmayaraq, ölkələrimiz arasında mal dövriyyəsini artırmaq cəhdləri nəticə vermirdi. Tərəflərin başlıca problemi nəqliyyat xərcləri idi və hər iki dövlətin hakimiyyəti məsələnin həllini özəl sektorun üzərinə qoyurdu", - Zamil qeyd edib.
Həmsədr hər iki dövlətin hakimiyyətinə problemin həllinə yardım üçün İİB-yə müraciət etmək təklifini edib.
Zamilin sözlərinə əsasən, mal dövriyyəsinin artması üçün turizmin inkişaf etməsi vacibdir.
"Nahaq yerə demirlər ki, turizmin inkişafı ticarət və investisiyanın qapısıdır", - Zamil deyib.
Məqalə müəllifi ilə əlaqə ünvanı: [email protected]
