Azərbaycan, Bakı, 22 may / Trend , müxbir Ü.İsmayılova /
İyunun 1-dən Azərbaycanda Mərkəzi Bankın nəzdində Azərbaycan İpoteka Fondunun xətti ilə fəaliyyəti 2007-ci ilin yayında dayandırılan ipoteka kreditləşməsi bərpa olunur. Bu barədə cümə günü Texnika Bank-ın Müşahidə Şurasının sədri Etibar Əliyev bildirib.
"Kreditləşmənin bərpası çərçivəsində ipoteka krediti şərtlərinin dəyişdirilməsi gözlənilmir", - deyə Əliyev bildirib.
Mərkəzi Bank hökumət ilə birgə sosial və kommersiya ipotekasını nəzərdə tutan geniş ipoteka kreditləşməsi modeli hazırlayıb.
AMB nümayəndələrinin rəyinə görə, səmərəli faiz dərəcələri ilə mərhələli şəkildə ipoteka kreditlərinin verilməsinə başlanması uzunmüddətli perspektivdə bazarda bol olan təkliflərin sayının azalması və yaşayış evlərinin tikintisinin başa çatdırılmasına imkan yaradacaq.
Bu, tikinti bazarının və onunla bağlı sektorların canlanmasına təsir göstərəcək.
İpotekanın əsas mexanizmi AİF tərəfindən qiymətli kağızların buraxılmasıdır.
"Onların emissiyası qanunvericiliklə buraxılır və Mərkəzi Bank bu ipoteka kağızlarına zəmanət verməyə hazırdır. Onlar zəmanətli qiymətli kağızlar səviyyəsinə çatdırılacaq ki, bu da onların bazarda likvidliyini təmin edəcək. Bu da müvafiq olaraq ipoteka bazarının fəallaşmasına gətirib çıxaracaq", - deyə Azərbaycan Mərkəzi Bankının idarə heyətinin sədri Elman Rustəmov bildirmişdi.
Rüstəmovun sözlərinə görə, ipoteka kreditləri üzrə faiz dərəcələrinin dəyişdirilməsi planlaşdırılmır.
"Baxmayaraq ki, ipotekanın kommersiyalaşdırılmsı prinsiplərindən biri dərəcələrin dəyişdirilməsidir, yaranan vəziyyətlə əlaqədar olaraq biz öz prinsiplərimizə dəyişikliklər etmişik, buna görə də faizləri dəyişdirməyi planlaşdırmırıq. Dünya prosesləri kontekstində ipoteka kreditləri alanlar üçün şərtlər sadələşdiriləcək", - deyə Rüstəmov bildirib.
Onun fikrincə, kreditlər stabil gəlirləri olanlara verilməlidir, çünki dünya böhranı ipoteka kreditlərindən başlanıb.
Azərbaycan İpoteka Fondu bu günədək səlahiyyətli banklar tərəfindən ayrılan ipoteka kreditlərini 63,3 mln. manat səviyyəsində təkrar maliyyələşdirib ki, bu da ipoteka portfelinin ümumi həcminin 93 faizini təşkil edir. 2006-cı ilin martından 2007-ci ilin iyununadək AİF-in mənzil alqısının maliyyələşdirilməsi üzrə fəal əməliyyatlar apardığı dövr ərzində banklar tərəfindən 67,9 mln. manat həcmində ipoteka krediti verilib.
Azərbaycanın 2005-2008-ci illərin dövlət büdcəsində AİF vasitəsilə ipotekanın maliyyələşdirilməsi üçün 80 milyon manat nəzərdə tutulub. Bu məbləğin 68 mln. manatı artıq verilib.
2009-cu ildə sosial ipotekanın maliyyələşdirilməsi üçün dövlət büdcəsində 14,5 mln. manat nəzərdə tutulub.
Məqalə müəllifi ilə əlaqə ünvanı: [email protected]