...

Türkiyədə Azərbaycan, Gürcüstan və Türkiyyə Nəqliyyat nazirləriklərinin iclası keçirilir

Biznes və iqtisadiyyat xəbərləri Materials 23 May 2009 16:12

Trend-i buradan izləyin

Azərbaycan, Bakı, 23 may / Trend , müxbir E.İsmayılov/

Bazar günü Türkiyənin İstanbul və Bodrum şəhərində Bakı-Tbilisi-Qars (BTQ) dəmiryolunun salınması çərçivəsində Nəzarət Komitəsinin iclası başa çatacaq. Bu barədə Azərbaycan Nəqliyyat nazirliyinin məlumatında deyilir. İclas Azərbaycan, Türkiyə və Gürcüstan Nəqliyyat nazirləri səviyyəsində keçirilir.

Azərbaycan nümayəndə heyyətinə Nəqliyyat naziri Ziya Məmmədov rəhbərlik edir.

Azərbaycanın Nəqliyyat nazirliyinin nəqliyyat siyasəti və iqtisadiyyatı şöbəsinin rəhbəri Sədrəddin Məmmədov bir müddət öncə demişdir ki, əvvəllər iclasın mayın 9-da keçiriləcəyi planlaşdırılsa da Gürcüstan tərəfinin xahişi ilə görüşün vaxtı qabağa çəkilib.  

Onun sözlərinə əsasən, BTQ dəmiryolunun inşası çərçivəsində görüşdə Türkiyə-Gürcüstan sərhəddində yerləşən tunelin yenidən layihələndirilməsi müzakirə ediləcək.

Azərbaycan, Türkiyə və Gürcüstan arasında BTQ dəmiryolunun inşası ilə bağlı yekun sənəd 2007-ci ilin fevralında Tbilisidə imzalanıb. Dəmiryolunun Gürcüstan hissəsinin inşası üçün Azərbaycan "Marabda-Kartsaxi" MMC-yə 25 il müddətinə 200 milyon dollar güzəştli kredit ayırıb. Bu vəsait hesabına Gürcüstan ərazisində uzunluğu 29 km olan yeni dəmiryolu, Türkiyə ilə sərhəddə xidmət məntəqəsi salınacaq və köhnə dəmiryolunda bərpa işləri aparılacaq. BTQ layihəsinin ümumi məbləği 600 milyon dolları üstələyir.

BTQ çərçivəsində yeni 105 km-lik dəmiryolu tikiləcək ki, onun da 796 km Türnkiyə və 29 km Gürcüstan ərazisindən keçəcək. Bundan əlavə yük ötürmə qüvvəsini ildə 15 milyon tona çatdırmaqdan ötrü Gürcüstanın Axalkalaki-Marabda-Tbilisi dəmiryolunun 183 km-lik hissəsində yenidənqurma işləri aparılacaq.

Məqalə müəllifi ilə əlaqə ünvanı: [email protected]

Xəbər lenti

Xəbər lenti