...

Azərbaycan İpoteka Fondu qiymət agentlərinin siyahısını azaldıb

Biznes və iqtisadiyyat xəbərləri Materials 25 May 2009 15:46 (UTC +04:00)

Trend-i buradan izləyin

Azərbaycan, Bakı, 25 may / Trend , müxbir Ü.İsmayılova /

Mərkəzi Bank yanında fəaliyyət göstərən və 2007-ci ilin yayından vəsait çatışmazlığı səbəbindən ipoteka kreditləri verilməsini dayandıran Azərbaycan İpoteka Fondu (AİF) qiymət şirkət-agentlərinin yeni siyahısını təsdiq edib. Bu barədə bazar ertəsi AİF-dən bildiriblər.

Yenilənən siyahıya yeddi qiymət şirkəti daxil edilib (əvvəlki 15 şirkətə nisbətdə) - AzİntellektServis, İVC, Bilender, Koneko, MBA LTD, VESCO, MAK Consultancy Baku LTD.

Azərbaycan İpoteka Fondu bu günədək səlahiyyətli banklar tərəfindən ayrılan ipoteka kreditlərini 63,3 mln. manat səviyyəsində təkrar maliyyələşdirib ki, bu da ipoteka portfelinin ümumi həcminin 93 faizini təşkil edir. 2006-cı ilin martından 2007-ci ilin iyununadək AİF-in mənzil alqısının maliyyələşdirilməsi üzrə fəal əməliyyatlar apardığı dövr ərzində banklar tərəfindən 67,9 mln. manat həcmində ipoteka krediti verilib.

Azərbaycanın 2005-2008-ci illərin dövlət büdcəsində AİF vasitəsilə ipotekanın maliyyələşdirilməsi üçün 94 milyon manat nəzərdə tutulub. Bu məbləğin 68 mln. manatı banklar vasitəsilə artıq verilib.

2009-cu ildə sosial ipotekanın maliyyələşdirilməsi üçün dövlət büdcəsində 14,5 mln. manat nəzərdə tutulub.

Mayın 25-nə olan rəsmi məzənnə 0,8036 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti