Azərbaycan, Bakı, 25 may / Trend , müxbir Ü.İsmayılova /
Apreldə Bakının tikinti materialları bazarında orta qiymətlər mart ayına nisbətdə 5,1 faiz ucuzlaşıb. Bu barədə bazar ertəsi "Əmlak bazarı iştirakçıları" İctimai Birliyindən məlumat verilib. Qiymətlər ilin əvvəlinə nisbətdə 10,8 faiz, 2008-ci ilin analoji dövrünə nisbətdə isə 49,5 faiz azalıb.
Ötən ay ərzində 38 adda və 87 çeşiddə tikinti materilları üzrə monitorinq aparılıb ki, onların da 36-da azalma müşahidə olnub, 51-də isə qiymətlər stabil qalıb. Son üç ayda tikinti materiallarının qiymətində artım müşahidə olunmayıb.
Son iki ayda Azərbaycanda sementin qiyməti iki dəfə düşüb ki, bu da tikinti sektorunda xərclərin azalmasına və mənzil tikintisi xərcləri strukturunda dəyişikliklərə gətirib çıxarıb.
Bazarda yerli istehsal olan tikinti materiallarının payı 52,9 faiz təşkil edib.
Məqalə müəllifi ilə əlaqə ünvanı: [email protected]
