Azərbaycan, Bakı, 26 may / Trend , müxbir S.Babayeva /
Azərbaycan Kənd Təsərrüfatı Nazirliyi yanında Dövlət Baytarlıq Xidməti 2009-cu ildə epizotik tədbirlər çərçivəsində bioloji preparatlar partiyası və diaqnostikumlar almağı planlaşdırır. Dövlət Xidməti bunun üçün preparatların alınması üzrə tender elan edib. Təkliflər iyulun 8-dək qəbul olunur.
Tenderdə iştirak dəyəri 1,5 min manatdır. Tender paketləri iyulun 9-da açılacaq. Preparatlar Dövlət büdcəsindən ayrılan vəsaitlər hesabına alınacaq.
Dövlət Xidmətinin müqavilə bağlayacağı tender qalibi 2009-cu ilin dekabr ayınadək preparat və diaqnostikumları təqdim etməlidir.
Ötən ilin avqustunda keçirilən tenderin qalibi Ukrayanın MVV- Instruments şirkəti olub.
Dövlət Xidməti epizotik vəziyyətin stabilləşdrilməsi məqsədi ilə hər il analoji tədbirləri həyata keçirir.