Azərbaycan, Bakı, 02 iyun / Trend /
Çin avtomobil şirkəti Lifan və Naxçıvan avtomobil zavodu (Azərbaycan) Azərbaycanda Lifan markalı avtomobillərin yığılması üçün müştərək müəssisə (MM) yaratmaq haqqında müqavilə imzalayıblar, çərşənbə axşamı layihəyə yaxın olan mənbədən bildiriblər.
"Müqavilə Azərbaycan-Çin hökumətlərarası komissiya çərçivəsində Pekində imzalanıb", - mənbə məlumat verib.
Mənbənin məlumatına görə, Azərbaycanda avtomobil yığımı üçün ilk 108 ehtiyat hissəsinin gətirlməsi avqustun sonu-sentyabrın əvvlinə planlaşdırılır.
Yaxın zamanlarda avadanlıqların işə salınması üçün Çin mütəxəssislərinin müəssisəyə səfəri gözlənilir.
Müəssisədə Lifan-NAZ brendi ilə 4 modifikasiyalı avtomobil yığılacaq: Lifan-320, Lifan - 520 (sedan və hetçbek) və Lifan - 620 (istehsalı Çində bu yaxınlarda başlayıb) modelləri. Avtomobillərin əsas satış bazarı Azərbaycan olacaq. Servis xidməti üçün btün ölkə ərazisində zəruri şərait yaradılacaq.
Naxçıvan zavodu il ərzində 1,5 min maşın istehsal etmək gücünə malikdir.
Məqalə müəllifi ilə əlaqə:[email protected]
