Azərbaycan, Bakı, 06 iyun / Trend , Ü.ismayılova /
Apreldə Bakının əmlak bazarında qiymətlər martda olan hər kvadrat metrə 1,25 min dollara nisbətdə 2,5 faiz azalaraq hər kvadrat metr üçün 1,22 min dollara bərabər olub. Bu barədə şənbə günü "Əmlak bazarı iştirakçıları" İctimai Birliyindən bildirilib.
Aprel ayında mənzilin orta qiyməti 123, 13 min dollar (marta nisbətdə mənfi 1,1 faiz, bir otağın orta qiyməti 51,33 min dollar (mənfi 2,6 faiz) təşkil edib.
Aprel ayında təkrar əmlak bazarında yeni tikililərin payında əhəmiyyətli dərəcədə artım - 60,6 faiz müşahidə olunub. Leninqrad layihəsinin təkrar bazardakı payı 12 faiz, stalinka - 7,1, eksperimental - 7,1, "xruşovka" - 3 faiz, arxitektura -2,8, Kiyev - 2,9, alman -1,2, fransız - 1,4, Minsk - 1,4 faiz, italyan - 0,3 təşkil edib.
Əmlak bazarı portfelində Bakının Yasamal (27,4 faiz), Nəsimi (17,6 faiz), Nərimanov (17,2 faiz) və Xətai (16,2 faiz) rayonlarındakı mənzillər çoxluq təşkil edib. Onlar təkrar əmlak bazarı portfelinin 78,4 faizini təşkil edib.
Təkrar əmlak bazarında alqı-satqı üzrə bağlanan müqavilələrin dinamikası 2,8 faiz azalıb. Bazarda təklif 1 faiz artıb, bunun da nəticəsində bazara 4,92 min obyekt təklif olunub.
Ekspozisiya müddəti üç gün də artırılaraq 118 günə çatdırılıb. Obyektlərin mədaxil əmsalı apreldə 0,8 faiz azalıb.
Məqalə müəllifi ilə əlaqə ünvanı: [email protected]
