Azərbaycan, Bakı, 09 iyun / Trend , müx. Ü.İsmayılova /
Azərbaycanda 1,89 milyon və ya təqaüdçülərin 96,3 faizi pensiya təminatının avtomatlaşdırılmış sistemindən yararlanır, çərşənbə axşamı Azərbaycan Dövlət Sosial Müdafiə Fondundan bildiriblər (ADSMF).
"Bu ilin yanvar-mayında plastik kart vasitəsi ilə təqaüd alan əhalinin sayı 31,98 min nəfər artıb", - fonddan bildiriblər.
Fonddan deyiblər ki, Bakıda bütün təqaüdçülər plastik kart vasitəsi ilə müavinət alır, ölkənin regionlarında isə pensiya təminatının 92,5 faizi avtomatlaşdırılıb. 2009-cu il yanvarın 1-də bu göstərici 88,9 faiz təşkil edib.
Pensiya təminatı sisteminin tam avtomatlaşdırılması üçün bütün respublika üzrə 417 bankomat, o cümlədən 51 əlavə bankomat ölkənin kəndlərində quraşdırılıb. Pensiyaların avtomatlaşdırılması Azərbaycan Beynəlxalq Bankının mülkiyyətində olan AzəriCard tərəfindən həyata keçirilir. Dövlət Sosial Müdafiə Fondunun bank agentləri MBA və Kapital Bank seçilib.
Ölkədə təqaüdün orta səviyyəsi 96 manat təşkil edir, bu, ölkədə orta əmək haqqının 36 faizinə bərabərdir. Ölkədə əmək təqaüdünün minimal səviyyəsi 75 manat təşkil edir.
Azərbaycanda 3 növ təqaüd mövcuddur: yaşa, əlilliyə və ailə başçısını itirməyə görə. Qadınlar təqaüd yaşına 57, kişilər isə 62 yaşında daxil olurlar.
Ölkədə təqaüd-sığorta sisteminin inkişafı üçün 2008-ci il dekabrın 30-da prezidentin göstərişi ilə 2009-2015-ci illər üzrə dövlət proqramı təsdiq olunub.
İyunun 9-na rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı:[email protected]