Azərbaycan, Bakı, 10 iyun / Trend , müxbir N.İsmayılova /
Azərbaycan Maliyyə Nazirliyi kollegiyasının növbəti iclasında 2010-cu il üçün dövlət büdcəsinin proqnozlarının hazırlanması prosesi müzakirə edilib, çərşənbə günü nazirliyin yaydığı məlumatda bildirilib.
Kollegiya iclasında "Mühasibat uçotu haqqında" Azərbaycan Respublikası Qanununun icrasından irəli gələn məsələlərə, "Azərbaycan Respublikasının 2008-ci il dövlət büdcəsinin icrası haqqında" Azərbaycan Respublikası Qanununun Milli Məclisdə müzakirəsi zamanı büdcə prosesinin təkmilləşdirilməsi ilə bağlı qarşıya qoyulan vəzifələrə və 2010-cu il dövlət büdcəsinin və icmal büdcənin layihəsi və sonrakı 3 il üçün icmal büdcənin göstəricilərinin hazırlanması işlərinin gedişi, Maliyyə Nazirliyinin fəaliyyətinin təkmilləşdirilməsi tədbirləri haqqında və bir sıra təşkilati məsələlərə baxılmışdır.
Azərbaycanın büdcə gəlirləri 2009-cu il üçün 12,177 milyard manat məbləğində təsdiq edilib (həmçinin mərkəzləşdirilmiş gəlirlər - 11,698 milyard manat, yerli - 0,479 milyard manat) və ya ÜDM-in 27,9 faizi; xərclər - 12,355 milyard manat (mərkəzləşdirilmiş gəlirlər - 11,095 milyard manat, yerli 1,259 milyard manat) və ya ÜDM-in 28,3 faizi. Dövlət büdcəsinin yüksək kəsr səviyyəsi 178 milyon manat səviyyəsində müəyyən edilib və ya ÜDM-in 0,4 faizi. Büdcə kəsirinin bağlanmasının əsas mənbələri özəlləşdirmədən daxil olan gəlirlər, daxili və xarici bazarlarda dövlət istiqrazlarının satılması, həmçinin 2009-cu il yanvarın 1-dən dövlət büdcəsinin hesabında qalan vəsaitlərdir.
2009-cu il üçün Azərbaycan dövlət büdcəsinin proqnozları 1 barel neftin qiymətinin 70 dollar məbləğində və mübadilə kursunun 1 ABŞ dolları üçün 0,8 manat olması ilə hesablanıb.
İyunun 10-na olan rəsmi məzənnə 0,8037 AZN/USD təşkil edir.
Məqalə müəllifi ilə əlaqə ünvanı: [email protected]