Azərbaycan, Bakı, 18 iyun / Trend , müxbir N.İsmayılova /
Azərbaycan bankı Ata Bank ölkənin Mərkəzi Bankı yanında fəaliyyət göstərən İpoteka Fondunun (AİF) vəsaitləri hesabına ipoteka kreditlərinin verilməsi üçün ərizə qəbulunu sona çatdırıb və tezliklə onların verilməsinə başlanacaq, cümə axşamı bankdan bildirilib.
"Bank potensila borc götürənlərdən artıq 40 ərizə qəbul edib, hazırda onlara baxılması prosesi gedir, belə ki, maksimal kredit verilməsinin sayı 20-ə bərabərdir", -deyə bankdan bildirilib.
Ata Bank AİF-ə cəmi üç ərizə verməyə tamamilə hazırdır, onlar bu günlərdə fonda göndəriləcək. Bankdan bildirilib.
AİF xətti üzrə ipoteka portfeli bir milyon manat təşkil edir. Bank 2008-ci il ərzində ümumilikdə 3,6 milyon manat məbləğində ipoteka krediti verib.
2009-cu ildə dövlət büdcəsinə sosial ipotekanın maliyələşdirilməsi üçün 14,5 milyon manat vəsait qoyulub, kommersiya ipotekası çərçivəsində isə 55 milyon manat məbləğində istiqraz buraxılmışdı ki, onun da 15 milyon manatı artıq yerləşdirilib.
Ölkədə ipoteka kreditləşməsi 25 mart 2006-cı ildə, AİF standartlarına əsasən başlanılıb. 7 fevral 2007-ci ildən isə sosial ipotekanın verilməsinə başlanılıb. İpoteka kreditinə tələbat dövlət tərəfindən ayrılmaları arxada qoydu və 2007-ci ilin iyunundan etibarən AİF öz standartları ilə maliyyələşməni dayandırdı. Azərbaycanın 2005-2008-ci illərin dövlət büdcəsində AİF vasitəsilə ipotekanın maliyyələşdirilməsi üçün 94 milyon manat nəzərdə tutulub. Bu məbləğin 68 mln. manatı banklar vasitəsilə artıq verilib. 2009-cu ildə isə dövlət büdcəsinə 14 milyon manat yatırılcaq. AİF standartları ilə kredit portfeli 75 milyon manat, bankların ümumi ipoteka krediti portfeli isə 250-300 milyon manat təşkil edir.
Kreditlər üzrə faizlər kommersiya banklarında 8-20 faiz arasında dəyişir. Kredit müddəti 10-30 ildir. Fondun 17 agent-bankı var.
İyunun 18-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]
