Azərbaycan, Bakı, 19 iyun / Trend , müxbir Ü.İsmayılova /
"İyunun 23-də Bakıda Azərbaycan-Çin biznes forumu keçiriləcək", - cümə günü, forumun təşkilatçısı olan Azərbaycanın Milli Sahibkarlar Konfederasiyasından deyilib.
"Forumda hər iki tərəfdən iqtisadiyyatın mebel istehsalı, tikinti, elektrik enerjisi, neft hasilatı və başqa sahələrində ixtisaslaşmış 20-yə yaxın sahibkar iştirak edəcək", - konfederasiyadan bildirilib.
Azərbaycan Dövlət Statitistika Komitəsinin məlumatına görə, 2009-cu ilin yanvar-aprel aylarında Azərbaycan və Çin arasında ticarət dövriyyəsi 104,2 milyon dollar təşkil edib ki, bunun da 103,08 milyon dolları idxal əməliyyatlarının payına düşür.
Məqalə müəllifi ilə əlaqə ünvanı: [email protected]