Azərbaycan, Bakı, 16 iyul / Trend , müxbir N.İsmayılova /
Azərbaycanın lizinq şirkəti - "Texnika Leasing" tarif siyasətinə yenidən baxıb. Bu barədə cümə axşamı şirkətdən məlumat verilib.
Hazırda şirkət illik 19-20 faizlə üç ilədək müddətə lizinq avadanlıqları verir. Avadanlıqların minimal dəyəri 30 min manatdan çox olmalıdır, ilkin ödəmə isə 30-35 faiz müəyyənləşdirilib.
İlin əvvəlində "Texnika Leasing" lizinq avadanlıqlarını illik 18-19 faizlə 6 aydan 24 ayadək müddətə verib. Avadanlıqların minimal dəyəri 20 min manat təşkil edib, ilkin ödəniş isə 20-25 faiz səviyyəsində müəyyənləşdirilib.
Azərbaycan şirkətinin lizinq portfelinin həcmi 6,5 milyon manat təşkil edir. Şirkət 55 lizinq müqaviləsi bağlayıb.
"Texnika Leasing" Texnikabank-ın törəmə strukturudur. "Texnika Leasing" şirkəti 2005-ci ilin ikinci yarısında təsis edilib.
İyulun 16-na olan cari məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]