Azərbaycan, Bakı, 20 iyul / Trend , müxbir N.İsmayılova /
"Azərbaycanın peşəkar risk-menecerləri assosiasiyasının qəyyumlar şurasının birinci iclası avqustdan sentyabrın sonuna keçirilib", - bazar ertəsi assosiasiyanın təsisçisi və başçısı Rüfət Mahmud deyib.
"Assosiasiyanın keçirdiyi treninqlərin yekunlarına əsasən sertifikasiya sentyabrın 23-də baş tutacağından, müvafiq olaraq assosiasiyanın ictimaiyyətə təqdimatı və qəyyumlar şurasının birinci iclasının sentyabrın sonuna təyin edilməsi qərara alınıb", - Mahmud bildirib.
Onun sözlərinə görə, hazırda Beynəlxalq Maliyyə Korporasiyası (BMK) ilə assosiasiyanın institutsional tikintisinə yönəldilmiş birgə iş aparılır. İnstitutsional tikinti qəyyumlar şurasının strukturunun və funksiyalarının, assosiasiya üzvlərinin, assosiasiya direktorunun öhdəliklərinin müəyyən edilməsini nəzərdə tutur.
Assosiasiyaya texniki dəstəyi BMK verir.
İyulun 14-dən etibarən assosiasiya "Banklarda risk-menecmentin əsasları" adlı on həftəlik treninqlərin keçirilməsinə başlayıb. Onların nəticəsində sentyabrın 23-də assosiasiya və GARP (Global Association of risk Professionals) tərəfindən sertifikasiya aparılacaq. Treninqdə yüzdən çox bank işçisi iştirak edir. Onların içərisində həm kommersiya, həm də Mərkəzi Bankın nümayəndələri var.
Assosiasiya mayın ortalarında qeydiyyatdan keçib və hazırda onun institutsional qurulması aparılır. Assosiasiyanın yaradılması ölkənin maliyyə sektorunda risklərin azalmasına təsir edəcək. Artıq assosiasiya ölkənin Mərkəzi Bankı və GARP-la danışıqlara başlayıb.
Məqalə müəllifi ilə əlaqə ünvanı: [email protected]