Azərbaycan, Bakı, 30 iyul / Trend , müxbir N.İsmayılova /
Royal Bank-ın aktivləri iyulun 1-də 125,4 milyon manat təşkil edib ki, bu da ilin əvvəlində olan müvafiq göstəricidən 19,3 faiz çoxdur, bu barədə bankdan bildiriblər.
Birgə kapital birinci yarımildə 1,1 faiz azalaraq 21,6 milyon manat təşkil edib. Nizamnamə kapitalı 19,9 milyon manat təşkil edib. Birinci yarımilin yekunlarına əsasən, bankın xalis gəliri 88,37 min manat təşkil edib. Yanvarın 1-nə olan məlumatlara əsasən, bu göstərici 124,9 min manat təşkil edib.
Bankın kredit portfeli birinci yarımildə 7,8 faiz artaraq 86,3 milyon manat təşkil edib. Bankın depozit portfeli 51,7 faiz artaraq 50,37 milyon manat təşkil edib. Bankın gəlirləri birinci yarımildə 6,14 milyon manat təşkil edib.
Royal Bank Azərbaycanda fəaliyyət göstərən kommersiya bankıdır və ölkə paytaxtı Bakıda 31 filiala sahibdir.
Bank 2 avqust 1993 - cü il tarixində "ÖZ BANK" adı altında səhmdar kommersiya bankı kimi yaradılmışdır. 2006 - cı ildə Bakı Fond Birjasında bank səhmlərinin göstərilməsi ilə əlaqədar olaraq Royal Bank-ın rəsmi statusu Açıq Səhmdar Cəmiyyəti-nə dəyişilmişdir.
İyulun 30-na olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
