Azərbaycan, Bakı, 13 avqust / Trend , müxbir N.İsmayılova /
2009-cu ildə Azərbaycanda əlillərə və şəhid ailələrinə 21 ədəd çoxmənzilli və 40 fərdi yaşayış evlərinin verilməsi planlaşdırılır. Bu barədə Əmək və Əhalinin Sosial Müdafiəsi Nazirliyindən məlumat verilib.
Cümə axşamı Qarabağdan olan ailələr və şəhid ailələrinin sərəncamına Nərimanov rayonunda 36 mənzilli dördmərtəbəli bina verilib. Bütün mənzillər ikiotaqlıdır. Hər mənzilin sahəsi 68,64, binanın ümumi sahəsi isə 3751 kvadratmetrdir. Bunun 1500 kvadratmetri yaşayış sahəsinə daxildir.
1999-2008-ci illərdə nazirlik tərəfindən şəhid ailələrinə və əlillərə 2763 mənzil, o cümlədən 1999-cu ildə 147, 2000-ci ildə 126, 2001-ci ildə 148, 2002-ci ildə 140, 2003-cü ildə 151, 2004-cü ildə 165, 2005-ci ildə 113, 2006-cı ildə 434, 2007-ci ildə 943, 2008-ci ildə isə 396 mənzil verilib.
Məqalə müəllifi ilə əlaqə ünvanı: [email protected]
