Azərbaycan, Bakı, 19 avqust / Trend , müxbir Ü.İsmayılova /
İyul ayında Azərbaycanda yaşayış minimumu adambaşına 119 manat təşkil edib. Bu barədə "İqtisadi Tədqiqatlar Mərkəzi" QHT-nin məlumatında deyilir. Göstəricilər ölkənin Nazirlər Kabinetinin normativlər bazasında müəyyənləşdirilib.
Hesablamalara əsasən, əmək qabiliyyətli əhali üçün adambaşına minimum istehlak səbətinin dəyəri 131,83 manat, təqaüdçülər üçün 100,63 manat, 15 yaşadək uşaqlar üçün isə 124,54 manat olub.
Keçən ay adambaşına düşən minimum xidmət haqqı əmək qabiliyyətli əhali üçün 24,88 manat, təqaüdçülər üçün 22,76 manat, 15 yaşadək uşaqlar üçün 16,37 manat olub. Ərzaq xərcləri müvafiq olaraq 78,85 manat, 62,02 manat və 83,15 manat təşkil edib.
Qeyri-ərzaq xərcləri isə əmək qabiliyyətli əhali üçün 28,1 manat, təqaüdçülər üçün 15,85 manat və 15 yaşadək uşaqlar üçün isə 25,02 manat təşkil edib.
"Azərbaycanda 2009-cu il üçün yaşayış minimumu haqqında" qanuna əsasən, ölkədə yaşayış minimumu adambaşına 84 manat, o cümlədən əmək qabiliyyətli əhali üçün 92 manat, təqaüdçülər üçün 65 manat, uşaqlar üçün isə 69 manat səviyyəsində nəzərdə tutulub.
Avqustun 19-na olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
