...

"Böyük Bakı" regional planının hazırlanmasına payızda başlanıla bilər

Biznes və iqtisadiyyat xəbərləri Materials 20 Avqust 2009 14:15 (UTC +04:00)

Azərbaycan, Bakı, 20 avqust / Trend , müxbir Ü.İsmayılova /

"Böyük Bakı" regional inkişaf planının hazırlanması üzrə tenderin yekunları avqustun sonunadək elan olunacaq. Bu barədə cümə axşamı Dövlət Şəhərsalma və Arxitektura Komitəsinin Beynəlxalq əlaqələr və informasiya şöbəsinin müdiri Cahangir Qocayev deyib.

Tenderdə iştirak üçün dünyanın 21 ölkəsindən 34 şirkət ərizə verib. Onlardan tenderə 6 qrup şirkət buraxılıb:

AS&P Albert Speer & Partners GmbH (Almaniya);

Moshe Zur Architects Town Planners Ltd., Marmanet organization & Projects, Management International Ltd.,Geoda Geographical Data, Landed Property, Mapping and Surveying Ltd. (İsrail);

EDAW, AECOM (ABŞ);

HOK (Hellmuth, Obata and Kassabaum) Inc., Development Planning Unit, (İngiltərə), Shaw Consultants International (ABŞ), Scott Wilson (Az. Office) (İngiltərə);

GHK Consulting (İngiltərə), International Land System Inc.(ABŞ), Synergetics Ltd. (Azərbaycan);

Urban Solutions (Hollandiya), Hansen Partnership (Avstraliya), Bakı Dövlət Layihə İnstitutu (Azərbaycan).

Tender proseduru Beynəlxalq Yenidənqurma və İnkişaf Bankının (DB qrupuna daxil) dəstəyi ilə keçirilir.

"Plan "Böyük Bakı" adlandırılıb. Bakının köhnə planı qrafik prinsipləri və paytaxtın 22 min hektar ərazisinin konsepsiyasını əhatə edirdi. Paytaxtın real ərazisi 219 min hektardan çoxdur", - bir müddət öncə Qocayev deyib. 

Bakı şəhərinin sonuncu baş planı 1987-ci ildə qəbul edilib. Artıq bir ildir ki, Azərbaycan hökuməti tərəfindən, yəni Dövlət Şəhərsalma və Arxitektura Komitəsi tərəfindən DB-nin krediti hesabına Böyük Bakının regional inkişaf planının hazırlanması üzrə layihə həyata keçirilir. Bu layihə özündə Bakı və Sumqayıtın, eləcə də Abşeron rayonunun yaxın 20 ilə perspektiv inkişafını əks etdirir. Belə layihələr Şərqi Avropanın bir sıra ölkələrində həyata keçirilib. Lakin onların heç biri paytaxtı şəhərətrafı regionla və 3 milyondan çox əhali ilə əhatə etməyib. Layihədə  yeni texnologiyalar, məsələn, coğrafi-informasiya sisteminin tətbiqi və s. istifadə olunacaq.

Məqalə müəllifi ilə əlaqə ünvanı: [email protected]

Xəbər lenti

Xəbər lenti