Azərbaycan, Bakı, 24 avqust / Trend , müxbir İ.Xəlilova /
Avropa Yenidənqurma və İnkişaf Bankı (AYİB) qeyri bank kredit təşkilatı "Aqrarcredit"-ə məsləhət yardımı etməyə hazırlaşır. AYİB səhmdarları sırasına daxil olmaq istədiyi, ancaq dünya maliyyə böhranı nəticəsində 2008-ci ildə danışıqları dayandırdığı "Agrarcredit" qeyri-bank kredit təşkilatına yenidən konsultativ dəstək verməyə hazırlığını nümayiş etdirir. Bazar ertəsi kredit təşkilatından verilıən məlumata görə, bu gün Avrobankın ekspertləri ilə görüş keçirilib və onlar "Agrarcredit"-in Avropa standartlarında fəaliyyət göstərməsi üçün yeni dəstək layihəsi təklif ediblər.
"Agrarcredit"-in inkişasfı üçün texniki dəstək layihəsi keçən il başa çatıb və bu il Avrobank yeni layihəyə başlayacaq, lakin səhmdar iştirakı sualına hələki toxunulmayıb", - kredit təşkilatından bildiriblər.
Mənbəyə görə, yardım kredit təşkilatına hüquqi regional şöbələrin genişlənməsi üzrə təlimatın hazırlanmasına görə və "Agrarcredit"-in Avropa standartlarında fəaliyyət göstərməsi üçün edilə bilər.
AYİB digər maliyyə idarələri ilə yanaşı, "Agrarcredit"-in yenidən strukturlaşması və özəlləşdirilməsinə yardım etmək istəyib. Bank kiçik hissə ilə iştirak etməklə strateji əməkdaşlarla ilkin danışıqlar aparıb. Lakin qlobal maliyyə böhranı şəraitində gələcəkdə xarici strateji investorların layihədə iştirakı mümkünsüz görünür və bu o deməkdir ki, Agrarcredit"-də iştiraka dair planlar nəzərdən keçirməlidir. Bu barədə ötən ilin sonunda AYİB-in Bakı nümayəndələyinin başçısı Frensis Deley bildirmişdi.
AYİB "Agrarcredit"-də 25 faiz+1 səhm paketinin alınmasına maraq göstərib. Lakin bu planların dəyişilməsi ilə əlaqədar olaraq, Avropa Bankı aqrar sektorda əməkdaşlığın yeni formalarını axtarmağa hazırdır.
Beynəlxalq Maliyyə Korporasiyası və Almaniyanın KfW İnkişaf bankı da ölkənin kənd təsərrüfatı bankında iştiraka maraq göstərir. Bazar ertəsi "Agrarcredit"-in İdarə Heyətinin sədri Məmməd Musayevin bildirdiyi kimi, bu maliyyə institutlarının qərarı hər zaman sözügedən layihələrdə iştirak zamanı riskləri paylaşan AYİB-dən asılıdır.
"Bu yaxınlarda KfW nümayəndələri ilə keçirilən görüş zamanı sözügedən məsələnin nəzərdən keçirilməsinə yalnız AYİB ilə birgə iştirak zəminində hazır olması barədə bildirilib. Bundan savayı, bu staretji maliyyə institutları hökumətlə və Mərkəzi Bankla danışıqlar aparır", - Musayev bildirib.
Hazırda kredit təşkilatı məhdud lisenziya əsasında fəaliyyət göstərir. "Dövlətsizləşdirmə"nin başlanılmasına qədər "Agrarcredit" banka çevriləcək.
"Hazırda "Agrarcredit"-in dəyişdirilməsi vaxtının qeyri-müəyyənliliyi qalmaqdadır, bizim kredit təşkilatımızın özəlləşdirilməsi üzrə səlahiyyətli qurum Əmlak Məsələləri Dövlət Komitəsi və ölkənin Maliyyə Nazirliyidir", - Musayev bildirib.
"Agrarcredit"-in əsas səhmdarı səhmlərin 99,9 faizinə sahib olan Azərbaycanın Maliyyə Nazirliyidir, qalan səhmlər isə "Azərsığorta" dövlət sığorta təşkilatı və "Meliorasiya və su təsərrüfatı" arasında bərabər bölünüb. Hazırda kredit təşkilatının kapitalı 18 milyon manat təşkil edir ki, bu da banklar üzrə Mərkəzi Bank tərəfindən 10 milyon manat səviyyəsində müəyyən edilən kapitallaşdırma tələblərini ötür.
Avqustun 24-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]
