Azərbaycan, Bakı, 31 avqust / Trend , müxbir Ü.İsmayılova /
"Azərsu" ASC ilin birinci yarısında fəaliyyət yekunlarını açıqlayıb. bu barədə bazar ertəsi ASC-dən bildirilib.
"Bu dövr ərzində Azərbaycanda əhaliyə verilən suyun keyfiyyətinin artırılması, su təchizatı və kanalizasiya sistemlərinin normal istifadəsi üçün bir sıra tədbirlər görülüb", - "Azərsu"dan bildirilib.
İlin birinci yarısında artıq köhnəlmiş və yarasız hala düşmüş su təchizatı və kanalizasiya sistemlərinin istifadəsi üçün genişmiqyaslı işlər həyata keçirilib.
Azərbaycanda yanvar-iyun aylarında 28,8 kilometr uzunluğunda kanalizasiya kollektorları və 32 kilometr uzunluğunda su xətləri qurulub, üç subartezian rezervuarı qazılıb.
Hesabat dövrü ərzində ümumi 1000 kubmetr tutumlu iki su anbarının yenidən qurulması üzrə işlər həyata keçirilib, su qəbulu üzrə bir qurğu, 40,5 min kubmetr tutumlu beş su anbarı, sutkalıq gücü 200 min kubmetr olan kanalizasiya təmizləmə avadanlıqları, sutkada 56,3 min kubmetr gücə malik iki kanalizasiya nasos stansiyası tikilib.
Su təchizatı və kanalizasiya sistemlərinin təkmilləşdirilməsi məqsədi ilə ilin birinci yarısında ölkənin regionlarında 8,3 kilometr uzunluğunda su xətləri və 7,2 kilometr uzunluğunda kanalizasiya xətlləri çəkilib, ümumi tutumu 1000 kubmetr olan iki su anbarının, su qəbulu qurğusunun yenidən qurulması üzrə işlər həyata keçirilib və üç subartezian rezervuarı qazılıb.
Sayğacla təmin edilən "Azərsu" abunəçilərinin ümumi sayı 339,9 min təşkil edib ki, onun da 319,7 minini əhali, 20,19 minini isə təşkilatlar və müəssisələrdir.
Bakıda sayğacla təmin olunan abunəçilərin sayı 274,43 təşkil edib, onların 260,7 mini əhali, 13,62 mini isə təşkilat və müəssisələrin payına düşür.
Göstərilən xidmətlər üzrə ödəmələrin yığım səviyyəsi 66,6 faiz təşkil edib ki, onun 49,7 faizi əhalidən yığılan vəsaitin, 87,1 faizi isə müəssisə və təşkilatlardan yığılan vəsaitlərin payına düşür.
Məqalə müəllifi ilə əlaqə ünvanı: [email protected]
