Türkmənistan, Aşqabad, 03 sentyabr / Trend , müxbir H.Həsənov /
Bu gün Türkmənistanda pambıq yığımına start verilib. Bu il hər 545 min hektar əkilmiş sahədən 1050 min ton pambıq yığmaq planlaşdırılıb.
Ötən il pambıqçılar təxminən bir milyon ton pambıq yığıblar ki, bu da 2007-ci ildəki göstəricidən çoxdur.
Tükmənistanın Kənd Təsərrüfatı Nazirliyindən verilən məlumata görə, yığıma Axal, Balkan, Lebap və Mari vilayətlərində başlanılıb. Bir həftə sonra ölkənin şimal hissəsi olan Daşoğuz vilayətində də yığım başlayacaq.
Pambıqtəmizləməyə 150 qəbul məntəqəsi və 30-dan çox müəssisə hazırlaşıb. Bu il ölkə üzrə toxum (milli və Rusiyadan gətirilmiş sortlara üstünlük verilib) regionların təbii torpaq şəraiti nəzərə alınaraq və nazirlik tərəfindən təsdiq olunan plana uyğun olaraq paylanılıb. Kampaniya Con Dir və Keys adlı ABŞ istehsalçılarının və Belarus texnikasının köməyi ilə aparılacaq.
Yerli mütəxəssislərin dediyinə görə, bu il pambıq sahələrində bol məhsul yetişdirilib. "Tədbirlər görməliyik ki, məhsul yığımı zərərsiz ötüşsün", - Türkmənistan Prezidenti Qurbanqulu Berdimuhammedov bu yaxınlarda keçirilən müşavirədə deyib.
Məqalənin müəllifi ilə əlaqə ünvanı: [email protected]