Azərbaycan, Bakı, 14 sentyabr / Trend , müxbir N.İsmayılova /
2009-cu ilin yanvar-iyun ayları ərzində Azərbaycan iqtisadiyyatına cəlb olunmuş xarici kapitalın ümumi həcmi 2,5 milyard dollar təşkil edib. Bu barədə bazar ertəsi Azərbaycan Mərkəzi Bankından ödəmə balansına istinadən bildirilib.
Ölkə iqtisadiyyatına birbaşa investisiyaların ümumi həcmi 1519 milyon dollar təşkil edib. Neft-qaz sektorunun xüsusi çəkisi 72,9 faiz olub. Bu investisiyalar BP Exploration Ltd ("Şahdəniz" qaz-kondensat yatağı layihəsi) və Azərbaycan Beynəlxalq Əməliyyat Şirkətinin "Azəri-Çıraq-Günəşli" yataqlar blokunda gördüyü neft-qaz layihələri çərçivəsində inşa işləri ilə əlaqədar istifadə olunub.
Ölkə iqtisadiyyatının qeyri-neft sektoruna 411,1 milyon dollar həcmində birbaşa investisiyalar yatırılıb. Ölkəyə cəlb olunmuş xarici investisiyanın ümumi həcmində onların xüsusi çəkisi 27,1 faiz təşkil edib.
Məqalə müəllifi ilə əlaqə ünvanı: [email protected]