Azərbaycan, Bakı, 02 oktyabr / Trend , müxbir Ü.İsmayılova/
Bakıda hər şənbə və bazar günü keçirilən kənd təsərrüfatı yarmarkasında 75-76 min tona yaxın ərzaq məhsulları satılıb. Bu barədə kənd təsərrüfatı nazirinin müavini İlham Quliyev cümə günü keçirilən mətbuat konfransında deyib.
"Bu günə qədər 337 belə yarmarka keçirilib", - nazir müavini deyib.
Onun sözlərinə görə, bu yarmarkalarda satılan kənd təsərrüfatı malları adi günlərdə müxtəlif bazarlarda satılan mallardan 20-30 və hətta 50 faiz ucuzdur.
"Nazirlik daimi olaraq yarmarkalarda satış qiymətlərinə nəzarət üçün monitorinqlər keçirir, lazım olan halda isə qiymətlərin artmasının qarşısı alınır", - Quliyev belə deyib.
Kənd təsərrüfatı mallarının satışı yarmarkası 2006-cı ildən keçirilir. Bununla bağlı qərar o zaman kənd təsərrüfatı məhsulları qiymətinin artması səbəbindən verilib.
Məqalə müəllifi ilə əlaqə ünvanı: [email protected]
